باغ‌معروفدا کؤرپه اوشاقلار اطرافیندا اولان عادت-عنعنه‌لر و اینانجلار

توپلایان: رحیم قابل نژاد

قایناق شخصلر: معصومه فغانی.پروانه پاینده

قئیده آلینما یئری و زامانی: باغ معروف کندی

1387 ایل...

آشاغیدا آنانین بویلو واقتیندان باشلامیش، اوشاغین دونیایا گلمه‌سی و سونرا دا کؤرپه اوشاغین ایلک گونلرینده کی عادت-عنعنه‌لر و اینانجلاردان سؤز  گئدیر.

.

قدیم بو کدده بایرامدا بویوکلرین گوروشونه گئدنده بیر دانا نار یا ناریش آپارادیلار  قارشیلیغندا اوشاخلارا بویاخلی یومورتا،گیردکان-بادام،نوغول،شکر‌پنیر،کیشمیش-نوخود بایراملیخ آلاردیلار  

بیر ائودن دونیاسین دیشن اولسیدی ایک بایرام قره بایرام دئیلر گوروشونه گئدنلر باش ساغلیغی وئرللر بیرچای ایچیب دوراللار  بایرام سفره‌سی آچیلماز بایراملیخ وئریلیب  آلینماز ،اولی صاحبیده بیرنین گوروشونه گئتسه‌ده بایراملیخ آلیب-وئرمز

ائولی اولادلار بیر کله قند آتا-آنالارینا بایراملیخ وئریب اولاردا  کوینک یا دونلوق وئرردیلر.

بایرامین ایلک گونی بویوکلرین ائوینده باریرام سفره‌سی آچیلاردی او سفره سحر تئزدن  آخشاماجان آچیق اولاردی سفره‌ده شیربنیش،سیمنی، چورک، پنیر،یوغورت،کره،بایرام شیرنی‌لری(نوغول،شکرپنیر،شکرلی‌شیرنی)چرشنبه یئمیشی(گیردکان،بادام،نخود،کشمیش،فندق......) اولاردی گوروشه گلنلر آج اولسیدی قارنین دویوراردیلار.ناهارچاغی ات شورباسی،یارپاخ دولماسی،یارپاخ کلم دولماسی،قره‌بادمجان دلماسی بایرام سفره‌سینه قویاردلار(گوروشه اوزاخدان گلنلر بیرده ائوینده یئمگی اولمایانلاری نظرده آلیب قورولاردی ) کیمسه بو خوشگونلرده آج قالمازدی .بایرام سفره‌سی کورسی استونده آچیلاردی.

باغ‌معروف هفته بازاری  هر هفته نین اوچونی( دوشنبه) گونلری ناهاردان قاباخ ساحات ۸ دن  ناهارچاغی ۲ جان چرچیلرین اشتراکی‌نن قورولار   کند اهالی‌سینین بوتون ایسته‌یی اوردا تاپیلار

قاردان آدام

ساغدان سولا:

توحید فغانی-محمدمظفری- آقاپور - یاشار آقاپور

حاج تیمور خاکپور

رحمت‌لیق حاج تیمور خاکپور 1320 هجرت گونش ایل ده باغ‌معروفدا آنادان اولدی  آتاسی کربلا حسین خاکپور کندین توکانچسیدی ، اوشاخلیق‌چاغیلاریندا کندین اهالی‌سینین یوخسولوقونا شاهید اولور چول باغیر دا چالیشماغینان یاناشی سردریه خالچاتوخوماغا یولدلشلارینان بیرلیقدا هر گون گئدیردی  چالیشقان اولدوغونا چوخ تئز بو ایشده اوستاد اولور باغمعروفدا ایلک دفعه خالچا دزگاهی قوشور اونی چوخ آتماغینان کندیلره ایش دوزلدیر تا ایش اوچون سردریه  تبریزه گئتمسینلر او زامان تبریزه کئت-قاید چوخ زامان آلیردی  تبریزده قالماخدا عایله‌لری آغیر دورومدا قرار وئریردی  جاج تیمور چالیشدی هر کس ایشله‌ماغا گلیر بیر مکتب کیمین  بو ایشی اورگشیب  اوزونه دزگاه قوروب خالچا توخوسون ، بو یولنان موفق اولدی یوخسول اینسانلارا آز دا اولموش اولسادا گلیر یولی آشسین  .

حاج تیمور مومن بیر دین آدامیدی گنج چاغلاریندان دین قوراللارینا حورمت ساخلایب اولاری یئرینه گتیرردی صاف اوره‌یی واریدی هر نه الینه گلسیدی حاممی‌نن پایلاشاردی  خیرات  احسان وئرمگی اوزونه بیر دین وظیفه‌بیلیردی  ایشلدنلرین موزدون تئز وئرردی اولارین راضی لیغین بیلمک اوچون دئردی راضی‌سیز دئیین الله برکت وئرسین   . ارگشماغی اوزونه همیشه‌لیخ وظیفه بیلیردی  هر کس دن بیر سوز اوگشماغی ایستردی آغزیندا بیر سوز واریدی دئیرردی  اورگشماغین ضرری یوخدیر  هیئت قوراردی دین بویوردوخلارین گلنلره اورگدردی خوش اخلاقی اولوغونا گنجلر هیئتین دایمی گلنلریدیلر .

محرم گلنده زنجیر ویران دسته‌سی تشکیل وئریب یاحسین سسی کنده دوشردی زنجیر ویرانلار  پیرین دوره سینه دولاناردی یاحسین  یاابوالفضل نوحه‌سینن بیر بیر تازا اولنلرین قاپیلارینا گئدیب  اولی صاحب‌لرینه باش سالیغی وئرردی .

 باغ‌معروفدا ایلک دفعه آتاسینن کربلایا مشرف اولدی  .ایلک دفعه باغ‌معروفدا مکیه گئتدی . همیشه خمس و ذکاه‌تین آذربایجانا عاید اولان مرجع تقلیده وئرردی  هر ایل اورجلو آیی، محرم آییندا کنده عالیم گتیرردی  انون راحاتلیقینا  کندین ایچینده 625 متر یئر وئردی تا اوزاماکیمی لازیم اولسا روحانی اوردا ساکن اولسون  او یئر سونرا لاردا  درمان ائوینه چئوریلدی  بیر زاماندا قیز لارا خانملارا ائو ایشی اورگتماغا نظرده توتولدی  قورآن  نهضت سواد‌آموزی  فرهنگ ائوی او ایشلریدی کی بو ائوده انجام تاپدی .

شهید جاهد مکتبینین یئرین  او مرحوم وئریب  بو مدرسه‌ده ایلک دفعه راهنمایی تاسیس اولدی  جامع مچیدین تازالانماغیندا تازا منبر آلماسینا چوخلی یاردیم ایله‌دی   کندین پیرین هر ایل تعمیر ایلردی  

کندین بیر چوخ یئرینده یول دوزتماخ  کورپی سالماخ ائلین سو آرخی ‌ایجاد ایله ماخ  او آخرین یئرین آلماسی  تازاموتور آخرخین دوزتمه‌سی تازاسو موتورون تعاونی شکلینده اداره‌سی  برق مصرفینین تعرفه‌سین کشاورزی ایله‌ماغی  نفت شعبه سینین تاسیس اولماغینا یاردیم   کندین حمامنا یئر آلماسی  خزینه حامامی دوش حمامینا چئویرمه‌سی   ایلک دفعه کنده بلند گو گتیرمه‌سی   ایلک دفعه دوچرخه   موتور   

اربابدان سونرا کنده تراکتور آلیب گتیردی        کنده شرکت واحد اتوبوسی گتیرماغا چالیشدی .................

بو اربعین حسینی    منده عزایه گلدیم   گوردوم عزا توتوبلا  منده یالقیز بالامه گلدیم

بو نوحه‌‌ینن اربعین گونی حیاط‌ دا امرود آغاجین دیبینده کند اهالی‌سی دسته دسته اوخییب حاج تیمور احسانی پنیر چورکی ایمام آشینن  یئییردیلر   

بوتون الله یولوندا چالیشان حاج تیمور تک د‌ییردی حیاط یولدلشی اونی  هئچ بیر واقت تک قویمادی  مایانیلار گلیب باغ‌معروفدا سو آپارادیلار آخشام قایداندا ائولرینه خورجونلارین حاج تیمورون خانمی یئمگینن دولدوراردی رحمتلیق حاج تیمور  بیرچوخ خیر ایشلری یوخسولارا گیزلی گورردی اونون نیه‌تین پوز مادان گئچیریخ

کندین چیمنین تورپاغی شورودی چالیشدی علمی یولونان تورپاغین اَکینه حاضیر لاسین بو ایش اوبیری کند اهالی‌سینه اورنک اولدی کندین اَکین یئری نئچه یوز هکتار چوخالدی

نئچه مین متر باغ‌معروفده عسگر آباد محله‌سینده  کندین میدانیندا و نئچه یئره یولا اوز مالیننان احسان وئردی  نئچه  یوز میلیون  قیمتی وار

کندین امین معتمد اینسانی اولان حاج تیمور هر یئرده لازیم اولسیدی حضور تاپاردی بیر موشکیل یوخیدی کی اوردا حضوری اولا  موشکول آچیلمیه  او جمله‌دن چیمن بولوننده اوز حاققینان گئچ دی ایختلاف یاتدی و...

 الله اونا رحمت ایله سین

اوجا تانرينين آديلا

باغمعروف كندي تبريزين 15 كيلومتري سينده سردري شهرينين باتيسندا بير آبادليق دير

اورا دا بير قوتسال پير واريدي تاسفله 10 يل اونجه كند آبادلخ يولوندا يئرينن بير اولوب و آرادان گئددي و بير قبير داش يازيزسي قالدي و كندين مچيدينده ساخلانير و عرب جه كيم اولوغوني اوخوماخ اولار 

بو پير بالاجا بنا ان-بويي 4 متر و  اوجاليغي 4 متر ، 5/ متر پنجره و 60 سانتي متر ائني و 5/1متر اوجاليغيندا قاپي دان ايچري گيرنده دورت پله آشاغيدا قبير داشي ، يازيلي باش داشي ،بيرقوچ داشي و بير مكعب آغير داش واريدي ،بوداشين اوزوننوغوندا ايكي ال يئري واريدي  هر كس آرزو و ايسدگي اولاندا او داشي قوزاردي نذر و آرزيسي قبول اولسيدي داش قوزاناردي .قبول اولماسايدي داش قوزانمازدي

پير ،كند اهالسنين نذیر يئري و آرزولا اوجاغي اولدوغونا قودسال سفره و مرثيه قورلوب و محرم آيندا شاخسئي و امام حسين دسته لري اونو چئوره سينه دولاناردلار تاسفلا يئر آلتي اوغرولار بوتون داشلاري آپاريب و قالانلاردن بير يازيلي باش داشي قالدي  ،40 ايل قاباخ پير قبرين 2 متر اوجالخدان بير قات اوجالدي و ايكينجي قات ناماز و كند انجمن و سونرا شورا دفترينه چئوريلدي . چوخ زامانلاردا پیرده قوران کلاسلاری تشکیل تاپاردی کندین یاری دان چوخی پیرده قوران اورگَشبلر

اهالي عقيده سينه چوخ استكلري بو پيردن ائسترسن وئرر. هر کسین حاجتی اولسا 7دفعه پيرين دوره سينه دولانديرسان اونون دويوني آچيلار

كنده بو سوز واردي كه بو قبرين ايكي يولدلشي وار بيري مايان كندينده آجی چاسسین کنارینده و او بيريسي شخحسنده ( شيخ حسن ) دمیر یول کنارینده و زامان زامان قبير داشي گئدر يولداشلارينين يانينا ،گئنه ده دئيللر بو قبره سايقسزلق اولسا داش كوسر و گئدر اوغرولار داشي آپارانان سونرا دئديلر داش كوسوب گئددي

بير معلول اوغلان وار ويلچر ده دولانار ،بير گئجه ياريسي يوخوسي قاميشدي ،     گورور پير دن اشيق گلير و ايشيق پيردن چيخيب و اوزاخلاشير ، سحر كند اهاليسينا سويله دي داش گئجه يانا-يانا گئديري، او گونن سونرا پير داشي يوخ اولدي ( 20 ايل قاباخ ) بو پيرين شخحسنده عين تايي قالير و بناسي تازالانيب و بير عده انسانلار نذير

لرين اورا آپارا 

قالان یازیلی داشدان دوشونمک اولور پیر 785 اینجی هجری قمری ایلینده بنا اولوبدیر

پیر تخریب اولاندان سونرا کند اهالیسی هر جومه آخشامی خصوصا تاسوعا –عاشورا گونلری کیلومتر لر پیاده گئدیب شخحسن (شیخ حسن ) پیرینده شمع یاندیریب قودسال سوفره آچاللار ، آرزیلاری واردیر بیر داها اوز کندلرینده پیر بناسی تازالانسین بو ایستک اوراکیمیندیر  بعضی‌لری اوز ثولثلرین  قیزللاریندا بو یولدا احسان وئرمگی ایستیللر .

کندین بویوک میدانی واردیر بو میدانین اورتاسیندا مناسیب  محل وار اصلی پیردن چوخ آز فاصله ‌سیواردیر او محل ده پیر بنا تیکیله بیلر

میراث فرهنگی ده‌ن ایسته‌لینیر پیردن یئر آلتی آراشدیرسین کندین دهدار ، شورای اسلامی ،پایگاه بسیج ،مذهبی هیئتلرین ،خیّر  انسانلاری ایشبیرلیقینن پیر بناسی تیکیلسین  کندین نهادلاری آدی گَلَنلر چوخ علاقه‌ینن ایش‌بیرلیقینا حاضیردلار

باغمعروفدا ۷۵۷ اینجی قمری ایللده بنا اولان قودسال پیر

قره قول یولی ( ناخیر یولی) 

۱۲۰ ایللیق مچید

بباغمعروفدا ایلک دوره راهنمایی دانش آموزلاری

منده سیغار ایکی جهان           من بوجهانه سیغمازام

آجی چایی 

حاج حسین پناهی ( معتمد) 

 حاج حسین فغانی کدخدا

حاج علی محمدی شاعیر

اووچی‌یدیم بیر راست‌لاشمیشیدیم جیرانا          ویراممادیم اووم اَلدن یامان گئددی

چوخ چکدیم گوزللرین قهرینی                           آمان اَلیمدن اوشدی یامان گئددی

حیاط یولدلشنین  فراقیندا

بیچین اوستی بیچین بیچن اوراخلار        ایله بیل کی ذولفی دارار داراخلار

شیکارچیلار بیلدیرچینی سوراخلار

بیچینچیلر آیرانلارین ایچَللر                  بیر هوشلانیب سونرا دوروب بیچَللر

خان دورونده بوتون کند اهلینین چوخون بو پالیت آغاجینا باغلانیب شاللاق ویریلیب

اسلام اینقلاب دورونده خانلیق ضولم سمبولی اولان بو آغاج اوت ویریلدی 

قيرخ حراميلر ناغيلي:

بير گون بير نفر تك يولدا گئدير ميش ، يولكسنلره راستلاشير ، حراميلر اوني سويوللار اوحالدل داغدان بير كهليك گئديردي سويولان دئيير كهليك سن شاهيد او ل،اولار منيم پوللاريمي آلدلار گوناهزيز اولدوردلر ،حرامي باشجسي دئير كهليكدن  شاهيد اولماز .

ايللر سونرا بير گون حرامي باشچسي حاكمه قوناق اولور ، سفرده كهليك پيشيرميشديلر حرامي كهليكه باخير گولور ،حاكم دئيير :ندن گولورسن ،حرامي دئيير:ايللر اونجه بير مسافري سوياندا هاوادا اوچان كهليكي سويقونا شاهيد توتوردي  اونا گوره گولورم ، حاكم حراميني توتور اولدورور دئيير كهليك دوغرودان سويقونا ، اوكيشنين اولومونه شاهيد اولدي  

 ...............................................................

 شیرین و فرهاد 

شيرين فرهادان اوزاقديدي ، فرهاد داغ قازیردي ، بير  قاري قويون قوزييَه سوت وئرنده كي چوخ مَله للر گلير فرهادا دئيير شيرين اولوب ، گورنه قيامتدي  اونا گوره بو سسلر گلير ،اودا دئييربه  شیرین اولوبدیر  ، اودا كولونگونن اوزون اولدورور ، قاري گلير شيرينه دئيير فرهاد كلونگونن اوزون اولدوروب ،  شيرينده اوزون اولدورور ، جماحات سورا بو ماجراني بولور ، شيرينن فرهادي قويلوللار قاریني ايكيسينين آراسيندا قویلوللار ، قارينين قبريدن تيكان گوَرير شيرين فرهادين قبيرندن گول گوَرير، گوللر ايستير بيربيرينه يئتيشسين دولاشير او تيكانا بير-بيرينه يئتيشَمميللر.

  معصومه فغانی

200 ايل اونجه جفرقولي پخرآوادا اينديكي 7 تير پادگان تبريزین‌جنوبي گيريش ميداني يئرينده ياشايردي

پخرآوا چوخ سيل گييردي، زامانلار سوسوز قالماغا گوره ياشايش چتين اولور كند اهاليسي اطراف كندلره كوچوللر ،بیر آزی ایندی کی راواسان کندینه، حسن جفرقولي اوغلي بامعريفه ( باغمعروف) كوچور

حسن اوغلي حسين بامريفده دوغولور او زامانلاردا بو كندين خاني ديبا لاريديلر امير خان ، خسروخان ، اسفنديار خان ، منوچهر خان   ( فرح ديبانين )عميلري

سونرالار كندين  رهبري لرة  ساتلير ، پهلوي دورونده اصلاحات ارضي اجرا اولاندا كند يئرلري اكينگي لر بولونور

خانليق زاماني اكين گوتورلنده حاصل خرمنده توپلاناردي بير مهر نَن دژ له‌نَردي خان ايزين وئرنن سونرا ياري سين كددي آپاريب خان آنبارنين دامينداكي بير باجادان توكردي

اوبيری ياريسین خان بورجون ، قوناخ پايي و نئچه پاي چخاننان سونرا  كه‌سيرين كددي آپاراردي

بامعريف ايكي كنددن ( عسگر آوا گوزئي حيسه سي – بامعريف گوني حيسه سي ) تشكيل تاپيپ ايكيسينين اورتاسيندا ميدان وار اوميداندا بير پير قودسان قبير واريدي

اهالي بوتون نظير – نياز لارين اورا آپاراردلار ، محرم آيي شاخسئي ،سينه ورانلار پيرين دوره سين دولانيب امام حسين شهادتينه عزا ساخلاردلار  حسن اوغلي حسين شاخسئي باشي دير و سونرالار حاج ابولفضلي اوز يئرينه دسته باشي قرار وئردي  ، او زامان شاخسئي ده آغاج ، قمه ، طبيل اولمازدي

آخشام چاغي شاخسئي بير ساحات چخاردي سونرا شاما گئديب ، شامنان سونرا بير –ايكي ساحاتدا شاخسئي گئديب داغیلاردیلار ، بير آزي ائولرينه و قالاني مچيده يغشاردیلار ،امام حسينه نوحه دئيب عزا ساخلاردیلار احسان اولسيدي بوردا وئريلر آخيردا موللا دانشيب گئجه 12 ده هر شئي قورتولوب ائولرينه گئدردیلر

اوش نوع عزا دارلق واريدي : شاخسئي ، سينه وورماق ، زنجير وورماق

زولجناه بزردیلر (بير آتا مختلف بويالاردا پارچاساليب نوخوشلارين دون ، باش‌اوتويي زولجناها سنجاخلاردیلار امام حسينن شفا ايستردیلر

حضرت علي اصغر بئشيگي قادنلار مرثيه سينده اورتايا قويوب موللا مرثيه دئيب بئشيگدن اوشاق اولمين ،اوشاق ايستر ،اوشاقلارينا شفا  آيري آرزلاريني ايستردیلر  

محرم تاسوعا گئجه‌سي آخشام نذري اولان نذرين پايلاييب وپيرديبنده حاج حسينين باخچانين يانيندا دورد دورا  انبويي 3 متر شمع يانداردلار و شمع  اوشاخلارا داغداردیلار

كندين ايكي شاخسئي ، سينه وران ، زنجير دسته سي واردي   ( عسگر آوا –بامعريف ) بو گئجه بوتون دسته لر پير دوره‌سينه دولانار ، مچيدده محرم موللا حققين يغانان سونرا موللا موزا ايله مزدي مرثيه دئيب آغلادماغا چالشار دی

عاشورا گوني دسته لر سحر تئزدن چخار ناهارا ياخنناشا ندا ياواش-ياواش باشيارانلار چوخاليب  باشيارانلار آيرليب ، آغ پارچا (كفن ) سالاننان سونرا قبرستانا يولا دوشوب ناهار اذاني اوخونا ر ،دستاماز ( وضو ) آليب بوتون دسته لر داغلار حاممي باشيارانلارين داليسنا دوشوب گوزلر دیلر قمئينن شدتلي باشلارينا وورماسيننار ،قبرستاننان پير ديبنه يولادوشنده باشيارما باشلاردي  پير ديبنده شددتلنيب اوجا يئتيشردي ، گورملي دي مشد حسنين‌، آغا رحيمين باشيارماسي ، اسگي ايللرين شهرتلي باشيارانلارينان دسته باشي اولان حسن اوغلي (رَجَزاوخوردی) ، عبدلعليني، حاژ میرزه، بالابیگم اوغلی ایسماعیل ، قهرمان  ،میرزاعلی، سايماغ اولار 

شاخسئی ، باشیاران نوحه‌سی:

 کَسمه‌یولی قوی گئدیم  ای  بی حیا        رحم ایله ظالم من علی اکبرم 

 غنچه بازوچه منی حیدرم   

 حسینه یئرلر آغلار گویلر آغلار                 رسول مصطفی پیغمبر آغلار                 حسینین ماتمینده عالم آغلار                  حوا دئیر حسینوار آدم آغلار 

 خلیل آغلار یانار حاجت حسینه               عزا خانه اولوب گویلر حسینه

حاج تیمور زنجیر دسته باشیدی ، شاخسی گئدنلرده  حیدر ، مشه قولام  ،

 باش‌يارانلاردان چوخ حاجت ايستردلر خسته‌لر لچك،اوشاق ايستيه نلر اوشاق كوينري باشياران دسته سينين آياق آلتنا آتاردلار

نذير قبول اولسا، اوشاق صاحبي اولسا، اوشاقين پالتارنين بيرني زولجناها سانجيب اوشاغي او آتا ميندردیلر

تاسوعا  عاشورا گوني هر كس ايسترسه آتا –آناسينا خيرات وئرر ،عاشورا سحر پنير چورك ،بيراز سونرا سوت  شربت ،ناهارا اسگي ايللرده هر ائوه اوچ چورك وبير گودوش أت ( پيتي) خيرات وئريلردي كي خيراتي بوتون عايله يئسين . 30 ايلدن بري دويي لوبيه خوروشي خيرات وئريلدي ، خيرات وئرننرين شهرتليسي  رحمتليق ، حسن اوغلي حسين ، ممد جفر ، ولي ،خججه  خانم مه‌شه قوبانين آروادي دير چوخ ايللر بوتون كنده عاشورا گوني ناهارا خيرات وئرردي  هامپالار بوتون كنده ويوخسولار نئچه نفره خيرات وئرردي بو ايشي يومم بيلردي

زيارته گئدنده چووشنان ائودن كند ائشيينه كيمي  گئدردلر ،قايداندا كند ائشينن ائوه كيمي چووشلاردیلار ،يول اوستونده قوربانليق كسيب مسافر كه‌سيلن قويون يا اينك اوستونن آتليب بارماغنان قوبانين قانين اننينا ياخادی  ناهارا ، شاما خيراتا چاغراردی خيرات يئينده مسافرت بويي يئدغي- ايشدغينان  صحبت اولاردي آرزلاردي هامي زيارته گئدسين  . چووشلار كند اهلي سيننندير موللا ایسبلاننان گَلَردي ( حاج آخود )

محرم –اوروجلودادا حاج آخود گلردي

بير نئچه گون سونرا سوقاتلار آچليب هر ائوه ، بير تسبئه، ناماز مهري ، بيرآز قوم سواني بير آز نابات سوقت وئريلردي

اسگي ايللرده انسانلار سالميديلر ، كند قويون-قوزوسي چوبانا تاپشرلاردي ، يئكه ماللاري ناخير چيه ، گئجه‌لر قویونلار چولده آغيلدا قالاردي

كدده اوغري ، محتاط ( معتاد ) آراق ايچن ......چوخ آزيدير

چوبان حسن ، چوبان يداله  ناخير چلار :مسييب ، علي‌آقا، علي‌اكبر كندين اسگي حيوان اوتارانلاري ديلر، الله اولارا رحمت‌ايله سين

حاج محمود مرادی ( ولی اوعلی محمود) از خیرین باغمعروف از کسانی است که در اوج اقتدار خان مباشر او بنام فاس علی آقا را چنان ادب کرد که دیگر ابهتی برای آن باقی نگذاشت و توانست روحیه کشاورزان ستمدیده از خان را بالا ببرد.